Папата Франциск повика на „вистински преговори“ за Украина

Денеска се обележува пазникот Духови и папата Франциск повика да се стапи кон „вистински преговори“ поради опасната ескалација на конфликтот во Украина.

„Додека беснее лудилото на уништување и смрт и се разгорува конфликтот, поттикнувајќи ескалација која е се поопасна за сите, го повторувам мојот повик кон водачите на народот: ве молам, не го водете човештвото во пропаст“, истакна поглаварот на Католичката црква во своето обраќање од прозорецот на Апостолската палата, пред 25.000 луѓе на плоштадот „Свети Петар“

Вчера, за време на средбата со децата во Ватикан Папата потврди дека сака да ја посети Украина, посочувајќи дека го чека „вистинскиот момент“ за истото.

„Би сакал да одам во Украина, само треба да се причека вистинскиот момент за тоа, бидејќи не е лесно да се донесе одлука која може да му нанесе повеќе штета отколку добро на светот. Морам да го најдам вистинскиот момент за тоа.“, рече папата Франциск, одговарајќи на прашање на едно украинско момче и надополнува со тоа дека следната недела ќе прими претставници од украинската влада.

Share on Facebook

Tweet

Follow us

Save