Паѓа рејтингот на Зеленски во Украина

Украинскиот претседател Володимир Зеленски се соочува со драстичен пад на рејтингот на одобрување, покажува истражувањето нарачано од Меѓународниот републикански институт (ИРИ) и финансирано од УСАИД.

Само 42 отсто од Украинците „силно го поддржуваат“ претседателот, додека 40 отсто „донекаде го поддржуваат“, според анкетата објавена оваа недела. Тие бројки биле 58% и 33%, во истражувањето спроведено во април, пишува Раша тудеј.

Делумното и силно неодобрување на Зеленски се зголеми од четири и три проценти во април на девет и седум проценти во септември.

Со силно одобрение од 82 отсто, украинската војска беше многу попопуларна од претседателот, иако дури и тоа беше намалено од 89 отсто во април.

Следниот најпопуларен политичар во Киев беше министерот за надворешни работи Дмитриј Кулеба, со 30% силно одобрение, што е намалување од 44% во април и 41% делумно одобрување, помалку од 32% претходно. Сепак, комбинираното неодобрување на Кулеба се удвои на 16%.

Премиерот Денис Шмигал имаше само 10% силно одобрување и комбинирано неодобрување од 42%. Украинскиот парламент, Врховната Рада, помина уште полошо; само 5% силно ја одобруваат нејзината работа, додека 67% донекаде или силно не ја одобруваат.

Околу 94% од Украинците сè уште веруваат дека нивната земја ќе победи во конфликтот со Русија, иако тоа е помало од 97% во април 2022 година. Само 68% се убедени дека Киев ќе успее да ја врати целата територија за која тврди – „границите од 1991 година. “, односно сите региони кои гласаа за приклучување кон Русија, вклучувајќи ги Крим и Севастопол.

Анкетата ја спроведе анкетната агенција Рејтинг, во име на Центарот за увид во истражувањето на ИРИ. Се потпираше на репрезентативен примерок од 2.000 возрасни Украинци и беше финансиран од грант од УСАИД.

Share on Facebook

Tweet

Follow us

Save