ПЕКОЛ: Во Австралија температури и до 45 степени

Националната метеоролошка служба издаде предупредување за топлотен бран за Западна Австралија, соседната Северна Територија и источната држава Квинсленд.

Таа предупреди дека температурите во некои региони би можеле да достигнат околу 45 степени Целзиусови.

Во Перт, главниот град на Западна Австралија, најголемата држава во земјата, за недела се предвидува максимална температура од 35 Целзиусови степени, што е повеќе од пет степени над декемврискиот просек, според синоптичарите.

Источна Австралија овој месец е погодена од Ел Нино, „климатска шема“ во која невообичаено високите температури во Тихиот Океан предизвикуваат топлотни бранови, циклони, суши и шумски пожари. Повеќе од 20 шумски пожари горат во Западна Австралија, објави државната агенција за вонредни состојби на својата веб-страница.

Share on Facebook

Tweet

Follow us

Save