Пендаровски тропна по маса: Решението со Бугарија не смее да задира во македонскиот идентитет!

По воздржаноста на владиниот врв на барањето да го коментира францускиот предлог за решавање на спорот меѓу Бугарија и Македонија и претседателот Стево Пендаровски за „Фокус“ вели дека ќе ја почека финалната верзија, по што ќе го сподели својот став.

-Францускиот предлог е во фаза на усогласување меѓу земјите – членки на ЕУ и ние можеме да ја коментираме само неговата финална верзија, ни одговорија од Кабинетот на претседателот.

Сепак од таму додаваат дека е добро познат ставот на претседателот Пендаровски по ова прашање.

-Инаку, ставот на претседателот Пендаровски е познат, а тој е дека секое решение на спорот со Бугарија не треба да задира во идентитетот на македонскиот народ што е одамна потврден факт во светот, појаснуваа од кабинетот на претседателот.

Share on Facebook

Tweet

Follow us

Save