Петковиќ бара КФОР да реагира и да ги отстрани косовските специјалци од Митровица

Директорот на Канцеларијата за Косово и Метохија Петар Петковиќ изјави дека косовскиот премиер Албин Курти денеска со своите постапки и изјави покажал дека го интересираат само конфликти и војна.

Петковиќ и се обрати на јавноста по ескалацијата на ситуацијата во Северна Митровица, каде припадниците на косовската полиција денеска го уапсија Србинот Милун Миленковиќ, по што граѓаните се собраа на улиците.

„По лична наредба на Курти, уапсен е Милун Миленковиќ Луне, кого косовската полиција го бркаше со месеци и му се закануваше со апсење, бидејќи е истакнат борец за правата на Србите на северот на Косово. Уапсен е во фризерски салон , кој беше опколен со осум оклопни возила“, рече тој.Петковиќ.

Како што истакнува, уапсениот Миленковиќ не е криминалец, туку истакнат и медалистичен спортист со кој тренираат многу деца.

Share on Facebook

Tweet

Follow us

Save