Петровска: Нема потреба од поништување на огласот за вработување во АРМ

Министерката за одбрана Славјанка Петровска денеска од собраниската говорница ја повика Комисијата за одбрана одблиску да го следи спроведувањето на Јавниот оглас за прием на професионални војници и да се увери дека тоа е процес кој се базира на правила и процедури во Министерството и Армијата.

“Одговорен за спроведувањето на огласот е Министерството за одбрана и тој како таков ќе биде спроведен. Нема никаква потреба од поништување затоа што во изминатиот период во Армијата се покажа дека важат исклучиво професионалните стандарди, и тоа не се само мои констатации, тие констатации се дадени во неколку месечните оценувања на Армијата. Комисијата е добредојдена одблизу да го следи спроведувањето на овој оглас и да се увери во тоа”, рече Петровска во одговор на пратеничко прашање.

Share on Facebook

Tweet

Follow us

Save