Пет мажи упаднале во двор на татко и син, скршиле стакло од врата и ги повредиле со остар предмет

Инцидент во дворот на семејна куќа во Батинци: маж и неговиот малолетен син биле повредени при физички напад од повеќе лица.

Од МВР информираат дека на 16 август 2026 година околу 20:00 часот во СВР Скопје И.М. (41) пријавил дека во дворот од неговата куќа во селото Батинци, Скопско, бил физички нападнат од С.С., М.С., Н.С., А.С. и Р.С.

Според пријавеното, за време на инцидентот Н.С. со тврд предмет скршил стакло од влезната врата на куќата.

С.С., пак, со остар предмет им нанел расекотини на 41-годишниот пријавител и на неговиот малолетен син.

Од МВР информираат дека се преземаат мерки за расчистување на случајот.

Share on Facebook

Tweet

Follow us

Save