ПИСМО-БОМБА И ВО КАНЦЕЛАРИЈАТА НА ШПАНСКИОТ ПРЕМИЕР!

Министерството за внатрешни работи на Шпанија во четвртокот го информираше националниот суд дека на 24 ноември се случил прием на плико со карактеристики слични на оние откриени во последните неколку часа.

Пратката содржела „пиротехнички материјал“ и била упатена до премиерот Педро Санчез, соопшти министерството, пренесува „Ел Паис“.

Да потсетиме, шпанските безбедносни сили пронајдоа трета сомнителна експлозивна направа скриена во пликот на писмо испратено до сателитскиот центар на Европската унија лоциран во воздухопловната база во Торехон де Ардос, во близина на Мадрид, соопшти денеска шпанското министерство за одбрана.

Министерството соопшти дека по скенирањето на пликото, обезбедувањето на воздухопловните сили утврдило дека во него има експлозивна направа.

Share on Facebook

Tweet

Follow us

Save