Пијан возач удрил во трактор со цело семејство Радовишко, тројца луѓе се повредени

Возач, за кого подоцна било утврдено дека возел пијан, удрил во трактор на кој се превезувале луѓе на пат меѓу две села во Радовишко, при што две жени, сопатнички на тракторот, се тешко повредени, соопшти МВР.

„На 29.07.2026 околу 02:40 часот во ОВР Радовиш било пријавено дека на општински пат с.Калуѓерица – с.Подареш, во атар на с.Подареш, се случила сообраќајна несреќа помеѓу патничко возило „фолксваген голф“ со радовишки регистарски ознаки, управувано од М.Т.(51) од с.Ораовица, радовишко и трактор со приколка, управуван од Г.М.(56) од с.Подареш. Во несреќата со тешки телесни повреди се здобиле сопатничките од тракторот, Ф.И.(39), А.И.(41) двете од Радовиш, додека со телесни повреди Ѓ.И.(70) од Радовиш, констатирани во Клиничка болница Штип. Извршен бил увид од екипа на ОВР Радовиш, при што било констатирано дека возачот на патничкото возило М.Т. возел под дејство на алкохол, односно имал 1,17 промили алкохол во крвта. По целосно документирање на случајот, ќе следува соодветна пријава“, велат од полицијата.

Share on Facebook

Tweet

Follow us

Save