Пленковиќ: На Денот на Европа не смее да се заборави Украина

Хрватскиот премиер Андреј Пленковиќ денес, по повод Денот на Европа, изјави дека Украина не смее да се заборави, која „повеќе од четири години се брани од руската агресија и ја штити слободата и основните европски вредности“.

Пленковиќ на социјалната мрежа X сподели дека Денот на Европа се слави во духот на визијата на еден од основачите на модерната Европска Унија, Роберт Шуман, за континент кој, по „воените пустошења и поделбите, избира мир, соработка и заедничка иднина“, објави Хина.

„Европа не е само просторот во кој живееме, туку избор на слобода пред страв, права пред сила и солидарност пред поделби“, напиша Пленковиќ.

Share on Facebook

Tweet

Follow us

Save