Повеќе од 200 лица се отруле со храна во Косово, јаделе од истиот ресторан, сопственикот оди во притвор!

Основниот суд во Ѓаковица, Косово, му одреди 30-дневен притвор на сопственикот на ресторан за брза храна во Малишево, каде повеќе од 200 лица се затруја со храна, потврди портпаролката на тој суд, Леке Мукај.

„Одредена е мерка притвор од 30 дена. Тој се сомничи дека сторил кривично дело производство и пуштање во промет штетни прехранбени производи. Мерката притвор трае од 13 октомври до 12 ноември“, изјави Мукај за Телеграфи.

Инаку, бројот на затруени во ресторан за брза храна во Малишево достигна 205.

Во петокот беа пријавени првите случаи на труење на граѓани.

Share on Facebook

Tweet

Follow us

Save