Повеќе од 60.000 потписи собрани: Петиција Швајцарија да ја депортира во Русија наводната љубовница на Путин

Петицијата со која се бара Швајцарија да го протера шпекулираната љубовница на Владимир Путин од нивната земја, достигна повеќе од 63.000 потписи.

Олимписката гимнастичарка Алина Кабаева (38) се верува дека била испратена во приватна вила во Швајцарија претходно овој месец, додека Путин продолжува да води војна во Украина.

Се верува дека Кабаева е љубовница на рускиот претседател и мајка на четири деца на Путин, кои тој никогаш официјално не ги признал.

Со петиција, покрената од граѓани во Русија, Белорусија и Украина пред две недели, се повикуваат швајцарските власти да ја исфрлат Кабаева од Швајцарија и да ја депортираат назад во Русија.

Апелот, кој ја опишува Кабаева како „омилена сопруга на заблудениот диктатор и воен злосторник Путин“, оттогаш достигна над 63.000 потписи.

„Време е повторно да ја обедините Ева Браун со нејзиниот фирер“, се вели во силно формулираната петиција.

„И покрај актуелната војна, Швајцарија продолжува да биде домаќин на соучесник на режимот на Путин.

Западот досега не ја санкционираше Кабаева, која покрај тоа што се шпекулира за таен партнер на Путин, е и претседател на одборот на директори на National Media Group – голема ТВ групација послушна на Кремљ – со плата од речиси 8 милиони фунти годишно.

Двајцата беа сликани заедно во неколку наврати, а истрагите на Антикорупциската фондација, формирана од затворениот противник на Путин, Алексеј Навални, открија дека неколку руски олигарси необјасниво му дале подароци на имот, пари и други средства на семејството на Кабаева.

Поранешната гимнастичарка ретко се гледа во јавноста, но таа беше фатена на видео како танцува на турнирот во ритмичка гимнастика „Божествена благодат“ во Москва во декември минатата година, само неколку недели пред Русија да ја нападне Украина.

Се стравува дека внимателно скриените средства на Путин може да значат дека Кабаева и нејзиното семејство успеале да ги избегнат строгите санкции објавени од швајцарскиот Федерален совет во февруари.

„Ние, граѓаните на Русија, Белорусија и Украина, кои моментално се соочуваат со огромно страдање, се обединуваме да апелираме до швајцарските власти“, се вели во петицијата, објавена на change.org на германски, француски и англиски јазик.