Повредени мајка и малолетна ќерка, со автомобил излетале од улица и завршиле на пруга

Патничко возило „хјундаи“ со велешки регистарски ознаки, управувано од 48-годишната Р.Т. од Велес, вчера околу 16:20 часот на улица „Димко Најдов“ излетало од патот и завршило на пругата кај Стар Мост во Велес.

Во несреќата со тешки телесни повреди се здобиле 48 годишната Р.Т. и нејзината 11-годишна сопатничка од Велес, констатирани во Ургентен центар при Општа болница Велес, информираат денеска од СВР Велес.

Извлекувањето на автомобилот било со помош на транспортно железничко средство кај Стар Мост.

На местото на сообраќајката увид извршила увидна екипа на Сектор за внатрешни работи Велес.

Како што информира за МИА, д-р Ванчо Граматов портпарол на ЈЗУ Општа болница Велес, кај 11- годишното девојче, лекарите од велешката болница по направените рендген снимања констатирале тешка телесна повреда – скршеница на бутна коска. Поради сериозноста на здобиената повреда веднаш била транспортирана на Клиниката за детска хирургија во Скопје при Клиничкиот центар „Мајка Тереза“.

Кај нејзината мајка биле констатирани полесно здобиени повреди на колк. Таа е сеуште на лекување на Одделение за хирушки болести во Општа болница Велес.

Share on Facebook

Tweet

Follow us

Save