Повторно уништен мурал посветен на Новак Ѓоковиќ во Косово

Муралот во Ораѓовац, посветен на најдобриот српски тенисер Новак Ѓоковиќ, бил уништен во текот на ноќта, пренесува сајтот на Радио Гораждевац.

Ѓоковиќ по вчерашната победа во првото коло на Ролан Гарос напиша порака на камерата; „Косово е срцето на Србија – престанете со насилството“.

Жителите на горниот дел на Ораѓовац во Косово утринава околу 6 часот го пронашле уништениот мурал и сега го чекаат пристигнувањето на полицијата.

Сликањето на муралот на Ѓоковиќ во горниот дел на Ораѓовац е дел од проектот „Боја во воздухот“ што го спроведува организацијата „Амици ди Дечани“, во соработка со уметникот Дерокс, кој на почетокот на минатата година сликаше мурали по желба на места со српско население на Косово и во договор со домаќините, пренесува Танјуг.

Муралот на Ѓоковиќ, кој беше насликан на српска куќа спроти црквата во Ораѓовац, исто така беше уништен на почетокот на февруари, кога беше обоен со бела боја.

Тој мурал е насликан во март 2022 година.

Share on Facebook

Tweet

Follow us

Save