Познати се сите осминафинални парови на Мундијалот

Осминафиналната рунда на СП ќе започне веќе вечерва во Хјустон каде Канада ќе игра притив Мароко со почеток во 19 часот.

Вечерва ќе се игра уште еден меч и тоа меѓу Парагвај и Франција во 23:00 часот во Филаделфија.

Победниците од натпреварите во Хјустон и Филаделфија ќе се сретнат во четвртфиналето.

Бразил ќе игра против Норвешка в недела од 22:00 часот во Њујорк, а подобриот од овој меч во четвртфиналето ќе се сретне против подобриот од мечот меѓу Мексико и Англија кој ќе се игра во понеделник рано наутро во 2 часот во Мексико Сити.

Мечот Португалија и Шпанија е закажан за в понеделник од 21:00 часот во Далас.

Истата вечер, но во 2 часот рано наутро во вторник, САД ќе игра против Белгија во Сиетл. Победниците од натпреварите во Далас и Сиетл ќе се сретнат во четвртфиналето.

Аргентина за протвиник го има Египет, а мечот ќе се игра во вторник (7 јули), од 18:00 часот во Атланта.

Подобриот од овој дуел, во четвртфиналето ќе игра со подобриот од средбата меѓу Швајцарија и Колумбија, во вторник (7 јули) во 22:00 часот во Ванкувер.

Share on Facebook

Tweet

Follow us

Save