Покачување на платата од минимум 30 проценти на сите професионални војници, бара НСПВ СО

Независниот синдикат на професионални војници СО Скопје поднел барање до Министерството за одбрана за решавање на децениски проблем на професионалните војници, а тоа е правото на пензионирање, како и останатиот активен воен персонал, трансформирање на работниот однос на неопределено време како кај сите работници во државата и покачување на платата од минимум 30 проценти на сите професионални војници.

– Овие барања се од суштинско значење за функционирање како спремна, морална и јака Армија. Овие недорешени проблеми се само уназадување на Армијата и на нејзиниот човечки потенцијал, бидејки професионалните војници земаат и до 30 проценти помала плата од цивилниот дел од Армијата, што предизвикува огромно незадоволство покрај другите неостварени права, како што е работниот однос кој трае 25 години на определено време и решението на статусот пензионирање како што е кај професионалните војници во другите НАТО земји, соопштија денеска од Независниот синдикат на профеисонални војници.

Како што посочуваат во соопштението, време е Министерството за одбрана да обрне повеќе внимание за професионалните војници кои се столбот на одбраната и најбројна категорија работници во МО и Армијата.

– Професионалните војници ја заслужуваат почитта од државата и од тие кои секојдневно ги спомнуваат дека се гордоста на Република Македонија, подвлекуваат од Независниот синдикат на профеисонални војници.

Share on Facebook

Tweet

Follow us

Save