Политико: НАТО сојузниците загрижени за возраста и здравјето на Бајден

Дипломатите и светските лидери кои се подготвуваат за самитот на НАТО во Вашингтон следната недела приватно изразуваат загриженост за возраста, здравјето и способноста на американскиот претседател Џо Бајден (81) да победи на претседателските избори во 2024 година, пишува Политико.

Американскиот портал наведува дека овие функционери најмногу го поддржуваат Бајден во трката за реизбор и стравуваат дека враќањето на неговиот републикански ривал Доналд Трамп на функцијата претседател ќе му наштети на НАТО и на воените напори во Украина.

Од друга страна, се додава, по лошиот настап на Бајден во дебатата против Трамп, западните сојузници стравуваат дека актуелниот претседател е потенцијално премногу слаб за да го победи републиканецот.

Во текот на изминатите неколку месеци, Политико разговараше со повеќе од 20 функционери, од кои многумина се сомневаа во способностите на Бајден уште пред дебатата.

Како што е наведено, тие сакаат Бајден да победи за да „не мора да се занимаваат со Трамп“, но не се сигурни дека, дури и да победи, актуелниот претседател може да издржи уште четири години во Белата куќа.

Можат ли демократските донатори да се соберат и да го натераат Бајден да се пензионира за да има некои шанси кандидатот да биде кредибилен пред гласачите?

Физичкото и менталното здравје на Бајден ќе бидат под лупа за време на самитот на НАТО следната недела, каде што нема да може да прескокнува настани и состаноци, а нема да може да лежи во 20 часот, како што претходно рече дека планира.

Сојузниците на НАТО се најмногу загрижени за способноста на Бајден да продолжи да собира поддршка за одбраната на Европа во Америка, особено во споредба со Трамп, кој е отворено скептичен кога станува збор за помагање на странските партнери.

„Водеме повеќе разговори за нашата сопствена одбрана, бидејќи изгледа дека Трамп се враќа“, рече претставник на НАТО по дебатата.

Во исто време, некои сојузници на НАТО не се целосно задоволни од лидерството на Бајден кога станува збор за конфликтот во Украина.

Политико наведува дека сојузниците во НАТО се загрижени за политичката позиција на Бајден и шансите за реизбор и сметаат дека неговата возраст е голема политичка пречка.

„Ми се чини дека ќе му биде многу тешко да ја продолжи кампањата и да остане (во трката)“, рече висок дипломат на ЕУ, додавајќи дека демократите треба „да ги разгледаат сите опции“ кога станува збор за замена на кандидатот.

Share on Facebook

Tweet

Follow us

Save