Полицајци во Тетовско на граѓаните им делеа летоци за превенција од пожари

СВР Тетово информира дека денеска нивни униформирани службеници спровеле активности за превенција од пожари на подрачјето на полициското одделение Јегуновце, на неколку локации на регионалниот пат и селата Лешок, Шемшово и Јегуновце.

-Од страна на полициски службеници од Отсекот за превенција при СВР Тетово во содејство со полициски службеници од полициското одделение Јегуновце, беа спроведени активности за превенција од пожари. На граѓаните им беа поделени летоци со едукативна содржина, а во директна комуникација им беше укажано и да не фрлаат опушоци, да не палат отпадоци, меѓи и стрништа на нивите или излетнички огнови, се вели во соопштението на СВР Тетово.

Полицајците воедно ги запознале граѓаните со законските последици предвидени за намерно предизвикување пожар или од невнимание.

Share on Facebook

Tweet

Follow us

Save