Полицијата во текот на вчерашниот ден казни 777 лица, 212 санкции биле за брзо возење

Министерството за внатрешни работи информираше дека во текот на вчерашниот ден се казнети 777 лица, најмногу од нив за непрописно паркирање и брзо возење.

„По однос на изречените прекршочни санкции и натаму најголемиот број изречени прекршоци против возачи – 227 се однесуваат на непрописно паркирање, а 212 – се однесуваат на непочитување на дозволената брзина на движење. Потоа следат прекршоците по основ на непоседување на возачка дозвола – 53; па прекршоците за некористење на сигурносен појас (47) и за користење на мобилен телефон при возење (28), како и 25 прекршоци што ги сториле пешаци. Во рамки на контролите, во три случаи евидентирано е минување на возило на црвено светло, осуммина возачи управувале возило под дејство на алкохол, а евидентирани се и 21 нерегистирано возило, како и шест возила кои што биле технички неисправни“, се додава во соопштението на МВР.

Од Министерството за внатрешни работи посочуваат дека продолжуваат со засилени мерки и активности во поглед на сообраќајната безбедност и апелираат до сите учесници во сообраќајот за целосно почитување на сообраќајните правила и прописи.

Share on Facebook

Tweet

Follow us

Save