Полски медиум: Калининград можеше да биде наш, сега е руско плашило за Западот

Полски “Онет”: Калининград можеше да биде наш, но наместо тоа е руско страшило за западните земји.

Калининградската област, која денес е исклучително важна за Русија, требаше да стане полска територија по Втората светска војна, но наместо тоа денес претставува руско упориште и страшило за западните земји, пишува полскиот весник „Онет“.

Денес, регионот на Калининград е најмногу погоден од антируските санкции на Западот. Пример е неодамнешниот потег на Литванија, која воведе забрана за транзит на стоки од Русија до Калининград преку нејзина територија. Ситуацијата во овој европски регион станува се понапната, пишува полскиот новинар Петар Рогозински.

„Интересно е што таа територија во минатото била дел од Источна Прусија. Сè се промени веднаш по Втората светска војна. Првично беше планирано по поразот на нацистичка Германија, таа територија да и припадне на Полска. Но, тоа не се случи, бидејќи властите во Кремљ многу добро знаеја дека благодарение на тоа ќе добијат стратешка и престижна територија“, пишува новинарот.

Share on Facebook

Tweet

Follow us

Save