Поранешен казахстански министер осуден на 24 години затвор за убиство на сопругата
![t](https://infomax.mk/wp-content/uploads/2024/05/preview.jpg)
Поранешниот казахстански министер за економија, Куандик Бишимбаев, денеска е осуден на 24 години затвор за убиство на својата сопруга, пренесоа британските медиуми.
Британските медиуми од Астана објавуваат дека судењето и долгогодишната затворска казна за поранешниот министер е всушност тест за претседателот Касим-Жомарт Токаев и неговото ветување дека ќе изгради поправедно општество.
Шокантните снимки прикажани за време на судскиот процес, што започна во март, покажуваат дека обвинетиот Бишимбаев (44) постојано удира со тупаници, клоци и влече за коса една витка млада жена облечена само во палто и чизми. Жената е 31-годишната Салтанат Нукенова, сопругата на Бишимбаев, која подоцна беше пронајдена мртва.
Бишимбаев во судницата се бранеше дека не е виновен, тврдејќи дека неговата сопруга починала од самоповредување.
Екс министерот, кој на функцијата во ресорот економија беше од мај до декември 2016 година, претходно беше осуден на 10 години затвор за примање мито, но беше ослободен по помалку од три години благодарение на амнестија и условно ослободување.
ПОВРЗАНИ ВЕСТИ
Се огласи Албанецот осомничен за убиството на…
Артан Хајризи негираше дека е вмешан во…
Сиљановска ги прими акредитивите на новоименуваниот амбасадор…
Претседателката денеска ги прими акредитивните писма на…
Поранешен казахстански министер осуден на 24 години…
Поранешниот казахстански министер за економија, Куандик Бишимбаев,…
Погребан матичниот лекар Ацо Трпковски, нема осомничени…
67 годишниот Ацо Трпковски – матичен лекар…
УБИЕНОТО ДЕТЕ ВО ПРИЛЕП ИМА САМО 14…
Момче на 14 годишна возраст синоќа околу…