Поранешниот косовски премиер Хоти: Приштина падна во замката на Белград

Поранешниот премиер на Косово, Авдулах Хоти, смета дека актуелната влада во Приштина паднала во замката на Белград, како и дека ситуацијата на северот на Косово не може да се управува без координација со меѓународните партнери, пренесува Репортерс.

„Ситуацијата на север е предизвикана од интервенцијата на Белград за поставување барикади, односно за повлекување од институциите“, потенцира Хоти.

Хоти додава дека такви тенденции имало и во минатото, но дека вешто ги избегнувале.

„Верувам дека тоа беше државна претпазливост на минатите влади, вклучително и мојата, за да не паднеме во оваа замка. И ја избегнавме таа замка… целосно во координација со меѓународните партнери“, изјави Хоти за Т7.

Хоти забележува дека ситуацијата на север не може да се управува без координација со меѓународните партнери.

Share on Facebook

Tweet

Follow us

Save