Поранешниот руски премиер: Ова е почеток на крајот за Путин

Михаил Касјанов, поранешниот руски премиер (2000-2004 година), во минатото се сметал за близок соработник на тогашниот и актуелниот руски претседател Владимир Путин. Но, откако бил отпуштен, тој станал еден од водечките критичари на претседателот.

Запрашан од „Би-Би-Си” каде мисли дека ќе оди Пригожин, тој рекол: „Мислам дека прво ќе оди во Белорусија, а потоа ќе оди од Белорусија во Африка и ќе биде во некоја џунгла или нешто слично”.

„Господин Путин не може да му прости за ова” смета Касјанов.

Пригожин, вели тој, ја уништил стабилноста на Путин – и неговиот живот ќе биде под „големо прашање“ како резултат.

За Путин, вели Касјанов, ова е „почеток на крајот, тој во моментов е во многу голема неволја“.

Share on Facebook

Tweet

Follow us

Save