Пороен дожд и град ќе ни го расипат продолжениот викенд

Од Управата за хидрометеоролошки работи информираат дека за време на продолжениот викенд во Македонија нѐ очекува време проследено со поројни дождови, а локално ќе има појава на невреме со силен ветер.

– Во петок и во деновите од викендот во попладневните часови наместа ќе биде нестабилно со пороен дожд и грмежи, а локално ќе има услови за појава на невреме со силен ветер и град. За време на викендот ќе дува умерен до засилен северен ветер и дневната температура ќе опадне за неколку степени – велат од УХМР.

Од УХРМ додаваат дека до крајот на денов ќе биде сончево и топло со слаб до умерен ветер претежно од северен правец. Максималната температура ќе биде во интервал од 30 до 37 степени. УВ индексот ќе биде 8.

Времето во Скопје сончево и топло со слаб ветер од променлив правец. Температурата ќе биде до 36 степени.

Синоптичарите за утре најавуваат сончево и топло време со слаб до умерен ветер од променлив правец.

Share on Facebook

Tweet

Follow us

Save