Портпаролот на Џонсон: Приоретизираме разговори со Украина за ситуацијата на двајцата затворени

Велика Британија приоретизира да разговара со Украина, а не со Русија за ситуацијата на двајцата затворени Британци кои се осудени на смрт во еден од руските полномошници во источна Украина, изјави портпаролот на премиерот Борис Џонсон.

Двајца Британци и еден Мароканец кои беа заробени додека се бореле за Украина беа осудени на смрт во четвртокот од судот во самопрогласената Народна Република Доњецк (ДПР) во четвртокот.

Министерката за надворешни работи, Лиз Трус го осуди изрекувањето на пресудата на Ејден Аслин и Шон Пинер како екстремно кршење на Женевската конвенција и го покрена прашањето со нејзиниот украински колега во петокот.

„Наш приоритет е да работиме со украинската влада за да се обидеме да обезбедиме нивно ослободување што е можно побрзо“, рече портпаролот на Џонсон, додавајќи дека нивното членство во украинската армија им обезбедува заштита според меѓународното право.

„Ним им е овозможена заштита според Женевската конвенција како членови на украинските вооружени сили, поради што сакаме да продолжиме тесно да работиме со нив за да се обидеме да ги ослободиме што побрзо“.

Запрашан дали Британија ќе разговара со Русија за да обезбеди нивно ослободување, портпаролот одговори дека „немаме редовна интеракција со Русите“.

Руското Министерство за надворешни работи соопшти дека реакцијата на Велика Британија на казните е хистерична и дека Британија треба да се жали до самопрогласените власти на ДПР за војниците.

Share on Facebook

Tweet

Follow us

Save