После критиките од страна на Трамп, Русија го изведе најголемиот и најинтензивен напад врз Украина досега – како светот ќе реагира на овој потег на Путин?

Украинскиот претседател Володимир Зеленски утрово изјави дека Русија извршила масовен напад врз Украина, насочувајќи 741 цел со 728 беспилотни летала и 13 ракети. Веста ја пренесе Гардијан, а ја објави и ЦивилМедиа.

Зеленски го нарече нападот „исклучително силен“ и подвлече дека тој се случува во момент кога се вложуваат сериозни напори за постигнување мир и прекин на огнот. „И покрај сето тоа, само Русија продолжува да ги отфрла сите мировни иницијативи“, истакна украинскиот претседател.

Интензитетот на нападот беше толку голем што соседна Полска, во координација со сојузниците, ги подигна своите воени авиони со цел заштита на полскиот воздушен простор.

Зеленски посочи дека континуираната агресија од Москва е уште еден силен аргумент за воведување на построги санкции, особено против руската нафтена индустрија. „Нафтата ја финансира воената машина на Русија веќе повеќе од три години откако почна војната“, рече тој.

„Нашите партнери знаат како да извршат вистински притисок – на начин што ќе ја натера Русија да размислува за крај на војната, а не за нови напади. Секој што навистина сака мир, мора да дејствува“, изјави Зеленски.

Share on Facebook

Tweet

Follow us

Save