Посредничка мисија на шестмина африкански лидери во Русија и Украина
Јужноафриканскиот претседател Сирил Рамафоса го информирал својот кинески колега Си Џинпинг за претстојната посредничка мисија на шестмина африкански лидери во Русија и Украина, соопшти денеска јужноафриканското претседателство.
Во мај, Рамафоса рече дека претседателите на Русија и Украина, Владимир Путин и Володимир Зеленски, се согласиле да ја примат мировната мисија. Таа делегација е подготвена да ги посети двете земји во средината на јуни.
Како што соопштија од јужноафриканското претседателство, Си ја поздравил „иницијативата на африканскиот континент и го препознал влијанието што конфликтот во Украина го има врз човечките животи и безбедноста на храната во Африка“.
Африканските земји се тешко погодени од зголемувањето на цените на житото од почетокот на руската инвазија на Украина, главен извозник на пченица и други земјоделски производи. Африка е исто така погодена од поширокото влијание на војната врз светската трговија.
Во африканската делегација ќе бидат претседателите на Конго-Бразавил (Република Конго), Египет, Сенегал, Јужна Африка, Уганда и Замбија.
Медијаторската и мировната мисија доаѓа додека Јужна Африка се обидува да се одбрани од обвинувањата дека, и покрај декларираната неутралност во конфликтот со Украина, застанува на страната на Русија.
ПОВРЗАНИ ВЕСТИ
13% од македонските граѓани сметаат дека Украина…
13% од македонските граѓани сметаат дека Украина…
Путин: Америка ја сече гранката на која…
Со воведувањето санкции кон Русија, американските власти…
Путин: Русија во моментов не планира да…
Русија во моментов не планира да го…
Русија не ги зголемува безбедносните мерки за…
Не е планирано да се зголемат безбедносните…
Феноменот „вселенска медуза“ забележан над Русија!
По лансирањето на ракетата-носач Сојуз од космодромот…