Потегот на Путин ја подисплаши Литванија – Во подготвеност ЕДИНИЦАТА ЗА ИТНИ ОПЕРАЦИИ

Литванскиот министер за одбрана Арвидас Анусаускас денеска издаде наредба итно да се стави во подготвеност единицата за итни операции.

Неговиот потег уследи веднаш откако рускиот претседател Владимир Путин утринава објави дека прогласува делумна мобилизација поради инвазијата во Украина и објасни дека Литванија мора да ги преземе сите чекори за да спречи каква било провокација од Русија.

Анушаускас додаде дека треба да се знае дека тоа што го нареди Путин ќе се случи на границата со Литванија, мислејќи на руската ексклава Калининград.

Во меѓувреме, Латвија, која исто така е во страв, најави дека ќе се консултира со своите сојузници и партнери за најновите случувања и ќе разговара за можните мерки што би можела да ги преземе.

Латвискиот министер за надворешни работи Едгарс Ринкевич најави дека неговата земја, од безбедносни причини, нема да издава визи за руските граѓани кои би можеле да побегнат во нивната земја за да избегнат мобилизација.

Финска, исто така, внимателно ја следи ситуацијата во соседна Русија по указот на рускиот претседател, изјави денеска финскиот министер за одбрана Анти Кајконен.

„Со оглед на околината, можам да кажам дека ситуацијата е стабилна и мирна, а нашите сили се добро подготвени“, рече Кајконен, пренесе Ројтерс.

Share on Facebook

Tweet

Follow us

Save