INFOMAX.MK

Само 41 отсто од Американците ја одобруваат работата на американскиот претседател Џо Бајден, а 65 отсто веруваат дека земјата се движи во погрешна насока, покажува истражувањето спроведено од Ројтерс и социолошкиот сервис Ипсос.

Мерењата се направени во пресрет на годишниот говор на Бајден во Конгресот, каде што тој ќе извести за постигнувањата во првата половина од претседателскиот мандат и ќе ги претстави плановите за вториот.

„Јавниот рејтинг на американскиот претседател Џо Бајден е 41%, блиску до најниските од неговиот претседателски мандат. Тридневната национална анкета, која заврши во неделата, исто така покажа дека 65% од Американците мислат дека земјата е на погрешен пат, од 58% една година порано“, се вели во белешката на Ројтерс.

Популарноста падна на 36% во мај и јуни и се движеше околу 40% во поголемиот дел од минатата година, додаде агенцијата.
Во истражувањето учествувале 1029 возрасни Американци, истражувачите го нарекуваат примерокот репрезентативен, грешката на резултатите се проценува на три процентни поени.