Потпишан договорот за брза пруга Белград-Ниш: ЕУ ѝ подарува на Србија 610 милиони евра

Првата транша од инвестицискиот грант за изградба на брзата пруга Белград-Ниш од 598 милиони евра, како дел од финансискиот пакет за железничкиот Коридор 10, беше потпишана во воз во присуство на претседателот на Србија, Александар Вучиќ и еврокомесарот за проширување Оливер Вархеји. Договорот го потпишаа шефот на регионалното претставништво на Европската инвестициска банка (ЕИБ) за Западен Балкан, Алесандро Брагонзи и министерот за градежништво, Горан Весиќ.

Претседателот на Србија, Александар Вучиќ, истакна дека ова е еден од најголемите проекти досега, а не само инфраструктурни.

Тој посочува дека вреди две милијарди и 775 милиони евра, од кои ЕУ ѝ дава на Србија 610 милиони евра. Од буџетот на Србија се издвоени 525 милиони евра, а остатокот, според претседателот, ќе го финансираат ЕИБ и ЕБОР по најповолни каматни стапки.

„Живеете за ова, ги погледнав платите од декември кај комесарот Вархеји – Ниш 670 евра во просек, 680 во Крагуевац и 1.250 во Врачар, 1.150 во Нов Белград, тогаш гледате дека треба многу да инвестираме во централна Србија и на југот на Србија“, рече Вучиќ.

Тој наведува дека Ниш со оваа брза пруга ќе биде поврзан со Белград, но и со Истанбул, Солун и Атина.

Ниш ќе биде на час и 40 минути од Белград, а сега со автомобил не се стигнува за два и пол часа, а со воз се потребни шест часа“, рече Вучиќ.

Тој истакна дека Србија има голем пријател во Оливер Вархеји и му се заблагодари за се што направил за Србија.

Share on Facebook

Tweet

Follow us

Save