Потресни пораки пред училиштето на убиените деца во Врачар

Редици граѓани и денеска се пред училиштето „Владислав Рибникар“ во Врачар, каде минатата недела се случи масакр кога Коста К.(14) уби девет лица, а рани шестмина.

По палењето на свеќите, граѓаните поминуваа покрај оградата на училиштето и читаат потресни пораки, објавија српските медиуми.

Пред училиштето „Владислав Рибникар“ има пораки до убиените деца, како и до убиениот портир на тоа училиште Драган Влаховиќ.

„Смртта не постои, луѓето умираат кога луѓето ги забораваат“.Вие само отидовте во друг дом, да ви се опорават душата и мислите. Вие станавте ангели чувари на нашата среќа и тага, секогаш ќе го чуваме сеќавањето за вас,“, пишува пред училиштето.

Граѓаните се уште се потресени од се што се случи.

„Поминав низ сите фази – шок, неверување, тага, лутина и страв. Сега сум само исплашен. Не ми е јасно каде живееме и што се случува“, вели А. Ѓ., белграѓанка за српските медиуми.

Share on Facebook

Tweet

Follow us

Save