INFOMAX.MK

Американката Роуз Мери Бентли од Орегон имала едно од најретките анатомски нарушувања

И покрај тоа што Роуз Мери Бентли од Орегон имала едно од најретките анатомски нарушувања, живеела цели 99 години.

Внатрешните органи во нејзиното тело биле поставени на спротивните страни одошто е вообичаено.

Уште почудно е тоа што таа воопшто не била свесна за тоа, туку тоа го открил научен тим од Универзитетот за здравје и наука во Орегон, кога старицата починала, а своето тело го донирала за проучување.

Неверојатниот случај го проучил асистентот за анатомија Кем Вокер и го претставил на годишниот научен собир.
Иако идентитетот на луѓето што донираат органи или тела обично се крие, нејзиното семејство го одобриле тоа.

„Знаев дека има нешто поинакво, но ни требаше многу време за да сфатиме како природата го составила нејзиното тело“, рекол асистентот.
Кога завршиле со испитување, тимот дијагностицирал дека состојбата на Роуз е situs inversus, што значи дека имала променета положба на телесните органи, како инверзија во огледало.

Интересно е што и покрај тоа, срцето на Роуз било на левата страна.