ПОЧИНА КРИС КРИСТОФЕРСОН – Беше легенда на кантри музиката

Крис Кристоферсон, влијателен американски пејач и текстописец, но и успешен глумец, почина во саботата на 88-годишна возраст. Неговото семејство соопшти дека Кристоферсон починал мирно во својот дом на островот Мауи, Хаваи, САД, опкружен со семејството. Причината за смртта не е наведена.

Кристоферсон е роден во Браунсвил, Тексас на 22 јуни 1936 година. По дипломирањето на колеџ во Калифорнија, каде што играл и рагби, продолжил на Универзитетот во Оксфорд, а потоа ја следел семејната традиција, па отслужил и војска.

Кристоферсон беше ренесансен човек – спортист со поетски сензибилитет, поранешен воен офицер и пилот на хеликоптер.

Тој се пробил во светот на музиката како текстописец во главниот град на кантри-музиката – Нешвил. Неговите текстови за хитовите „Help Me Make It Through the Night“, „For the Good Times“ и „Me and Booby McGee“ – една од последните песни отпеана од Џенис Џоплин, беа наградени со „Греми“.

Зад себе има и околу 120 улоги во филмски и ТВ-продукции.

Кристоферсон и неговата трета сопруга Лиза, со која се оженил во 1983 година, живееја на хавајскиот остров Мауи повеќе од 30 години.

Share on Facebook

Tweet

Follow us

Save