ЦУК: Можни се поплави во Арачиново, Стајковци и Скопска Црна Гора вечерва, ако не мора да не се излегува од дома

Воздушна маса со изразена нестабилност се задржува над подрачјето на Стајковци, Арачиново и Скопска Црна Гора, информираат од Управата за хидрометеоролошки работи.

Невремето кое го зафати овој регион е проследено со поројни врнежи, силен ветер и појава на град, што го зголемува ризикот од локализирани поплави, предупредуваат од Центарот за управување со кризи (ЦУК).

„Во моментот невремето е проследено со поголема количина на врнежи град и силен ветер. Бидејќи воздушната маса ќе се задржи на тоа подрчје можно е да предизвика и поплава. Апелираме до граѓаните во во овие подрачја:
– Да останат во своите домови;
– Да избегнуваат движење низ поплавени или потенцијално небезбедни зони;
– Да ги заобиколуваат поплавените улици и подвозници;
– Да ги отстранат предметите од дворовите кои би можеле да ги однесе ветерот или водата;
– Да ги следат препораките од надлежните институции“, апелираат од ЦУК.

Центарот за управување со кризи е во координација со сите релевантни служби и ја следи состојбата во ризичните подрачја. Во случај на потреба или опасност, јавете се на 112, апелираат од ЦУК.

Share on Facebook

Tweet

Follow us

Save