Почина Џорџ Шапиро, холивудскиот менаџер и продуцент

Познатиот менаџер за таленти и продуцент Џорџ Шапиро почина од природна смрт на 91 година, минатиот четврток во својот дом во Беверли Хилс. Тој беше меѓу најуспешните менаџери во шоу-бизнисот во САД, а најпознат е по тоа што ги застапуваше Џери Сајнфелд, Карл Рајнер и Енди Кауфман.

Шапиро е ко-основач на „Shapiro/West & Associates“ и заедно со партнерот и пријател од детството Хауард Вест, беше продуцент на „Seinfeld“, еден од најпознатите ситкоми на сите времиња.

Роден е во Њујорк а пткако завршил колеџ, тој станал помлад агент во агенција и секогаш се обидувал да биде блиску до комедијата. По неколку години, тој почнал да сфаќа дека големите хумористични емисии и продукции се селат во Холивуд и одлучил да го следи тој пат.

Во 1973 година Шапиро одлучил да стане личен менаџер за да развие подлабоки односи и партнерства со клиентите, па ја напуштил агенцијата каде што работел дотогаш и отворил компанија со Хауард Вест.

Share on Facebook

Tweet

Follow us

Save