INFOMAX.MK

„Студентскиот протест завршува. Нашите стражари ги соблекоа елеците. Апелираме до граѓаните безбедно да се повлечат“, порачаа на социјалните мрежи.

Десетици илјади луѓе молчеа 15 минути. Меѓутоа, во еден момент се слушна силна бучава и молкот беше прекинат.

Момци со црни качулки се обидуваат да упаднат во Паркот на Пионер, поточно во кампот во кој се наоѓаат „учениците кои сакаат да учат“, пренесуваат српските медиуми.

Во 22 часот пред јавноста ќе се обрати Александар Вучиќ. Најверојатно обраќањето ќе биде преку државната РТС.

pic.twitter.com/W0rSOgIPlD

— Studenti_U_Blokadi (@studentblokade) March 15, 2025

Како што јави репортерот на Н1, од правец на Паркот Пионер во Белград, се слушнал топовски истрел и студентските редари ги соблекле елеците.

Во паркот Пионер се сместени поддржувачите на Вучиќ, наречени студенти 2.0.

– Од правец на Паркот Пионер се фрлаа шишиња и камења. Овој протест повеќе не е студентски протест. Редарите ги симнаа маркерите. Се молат сите да го напуштат просторот околу Собранието“, се вели во соопштението на Факултетот за драмски уметности.

NAJVAŽNIJI INFO: Iz pravca Pionirskog parka su bačene flaše i kamenice. Ovaj protest više nije studentski. Redari su skinuli markere. Mole se svi da napuste prostor oko Skupštine.

— FDU u blokadi (@sviublokade_fdu) March 15, 2025