По изборите во Франција на Мицкоски му е потешко

t

Сето ова ги ограничува маневарските простори на Орбан и неговите партнери во Братислава, Белград, Бањалука, Подгорица и Скопје

1. Свесни дека саботирањето на Преспанскиот и на Софискиот, но и на духот на Рамковниот договор им е сè попровидно и пресретнато и во соседството и дома:

– Давкова ќе се објаснува по медиуми, а

– премиерот ќе се слика од Вашингтон…

За тоа време:

– Само формално ќе бидат „кооперативни“, за земјата да не прерасне во доверлив партнер во НАТО, а

– Фактички ќе ги држат заладени односите со сите соседи освен Србија, за да ја одржат проекцијата на Северна Македонија како „жртва“ на соседите членки на ЕУ и себе како нејзини „бранители“.

2. Резултатите на Меланшон и Макрон на Париз му овозможуваат да продолжи со поддршка на Украина за одбрана од руската агресија и национално и преку европските институции.

Тоа ја оневозможува Ле Пен национално и континентално да наметнува политика на примирување со Путин(измот) што му ја нуди Централна, Источна и Југоисточна Европа „на чинија“.

Резултатите од изборите во Франција се потврда и на францускиот и на европскиот курс на проширување на ЕУ кон Украина, Молдова и Западниот Балкан, вклучително Северна Македонија, паралелно со зацврстување на одбранбените врски од двете страни на Атлантикот во и преку НАТО.

3. Сето ова ги ограничува маневарските простори на Орбан и неговите партнери во Братислава, Белград, Бања Лука, Подгорица и Скопје.

Ова особено откако политиките на европските центри од Варшава до Париз, вклучително самиот Брисел со новата Европска комисија, практично добија легитимитет за продолжување на досегашната политика:

– И во однос на Европа соочена со прва војна во своето географско подрачје по 1945-та

– И во однос на надворешната и на политиката на проширувањето на ЕУ.

4. Секако, резултатите од предвремените избори нема да ја решат целосно поларизацијата во француското општество, а формирањето на нивната коалициона влада ќе биде предизвикувачко.

Но и во францускиот, како и во други европски случаи: поларизацијата во општествата растеше правопропорционално со растот на авторитаристичките политички движења.

И бидејќи овие движења растеа паралелно со зацврстувањето на Путин во Кремљ, нивниот пад е поврзан со поразот на Путиновата агресија врз Украина.

5. Сето ова го вади лидерствата од Западниот Балкан вклучително на Северна Македонија „на отворено“: дали ќе се движат кон евроинтеграциите со сета поддршка и во Брисел и во соседството и „преку големата бара“ – или ќе ги саботираат своите нации.

Во нашиот случај, ова ќе се види веќе со (не)продолжувањето на ВМРО-ДПМНЕ во правец на нарушување на независноста на судството и сето она што ќе произлезе како последица.

ПОВРЗАНИ ВЕСТИ

Падна доверливата комуникациска мрежа на американската НСА,…

Висококласифицираната мрежа што американската Агенција за национална…

(Видео) Затворен е мостот на Крим по…

Украина предизвика сериозни оштетувања на Кримскиот мост,…

Танкер потона во близина на бугарскиот брег…

Танкерот „ГАС ХАСКИ“ потона околу 50 милји…

„Имам голем проблем да барам од вас…

Вие пратениците нè претставувате нас, ги претставувате…

„Анима Мунди“ бара хумано згрижување на кравите…

Здружението за заштита на животните „Анима Мунди“…