По нападот во Прилеп, Центрите за социјална работа ќе добијат обезбедување

За еден месец, 37 Центри за социјална работа ќе добијат обезбедување од лиценцирана компанија. Јавната набавка, која неодамна ја објави Министерството за социјална политика, завршува оваа недела и се бараат вкупно 60 чувари, соопшти заменик-министерот за социјална политика, демографија и млади, Ѓоко Велковски.

Оваа потреба произлезе откако пред еден и пол месец, во Центарот за социјална работа Прилеп, една вработена се здоби со повреди од огнено оружје од корисник на услугите, од кого и претходно добивала закани. Директорот на Центарот, Зоран Малковски, изјави дека ќе се чувствуваат побезбедно кога на рецепција ќе има некој што ќе ги проверува странките што влегуваат во објектот.

Инаку, вооружениот напад во Центарот за социјална работа Прилеп се случи на 23 март. Во инцидентот беше полесно повредена 36-годишната социјална работничка М. Ѓ., која беше застрелана од 50-годишниот А. Ј. кој, , бил незадоволен од претходните мерки преземени од Центарот во врска со неговиот бракоразводен процес.

Share on Facebook

Tweet

Follow us

Save