По турските “бајрактари” Косово ќе набавува и хеликоптери за вооружените сили

По турските “бајрактари”, Приштина ќе набавува и хеликоптери за вооружените сили на Косово, објавуваат косовските медиуми.

Ова го најави и министерот за одбрана на Косово.
Првите хеликоптери за Косовските безбедносни сили би можеле да се купат, како што тврди министерот, меѓу 2025 и 2028 година, а Приштина веќе има сертифицирани пилоти за нив. Според него, најпрво ќе се купат четири хеликоптери кои ќе бидат мултифункционални.

Приштина се потпира на логистиката на Хрватска

Професорот д-р Митар Ковач, пензиониран генерал-мајор, директор на Евроазискиот безбедносен форум, ја коментираше оваа најава за Спутник вака:
„Намерата на Америка да формира војска на Косово не е нова, а Америка преку пактот за НАТО влијаеше преку своите сојузници таканаречената косовска армија да се имплементира со опремување и обука на сè, вклучително и авијациската компонента. Добивањето на „Бајрактар“, наводно за извидување, е првиот дел од изградбата на таа воздухопловна компонента. Сега Америка би можела да даде „придонес“ во форма на хеликоптери Black Hawk, истите што ги има Хрватска, и според мене ова не е случајно“, вели Ковач.

Јасно е, додава тој, дека тоа значи дека идното косовско воздухопловство треба да се потпре на логистиката што ја обезбедува Хрватска, односно нивниот персонал и пилоти, со оглед на нивната досегашна соработка.
„Во регионалната димензија Хрватска е една од земјите што доби и имаше многу задачи во изградбата на т.н. на војската на Косово“, се сеќава Ковач.

Share on Facebook

Tweet

Follow us

Save