Прва реакција на Кина по новите царини од Трамп

Кинеските власти денес изјавија дека најновите американски царини за кинеските стоки се лицемерен потег, потврдувајќи дека не се воведуваат нови царини за американските производи. Кинеското Министерство за трговија соопшти дека контролата на извозот на ретки минерали од страна на Кина, која Трамп ја нарече изненадувачка и многу непријателска во петокот, следеше по низа американски мерки воведени по билатералните трговски разговори во Мадрид минатиот месец, објави агенцијата.

„Овие акции сериозно им наштетија на интересите на Кина и ја оштетија атмосферата за билатерални економски и трговски разговори. Кина остро се спротивставува на ова“, соопшти министерството. Официјален Пекинг не ги поврза експлицитно овие американски акции со своите ограничувања за извоз на клучни минерали, наведувајќи дека ограничувањата на Кина се мотивирани од загриженоста за воената употреба на овие метали во време на чести вооружени конфликти.

Share on Facebook

Tweet

Follow us

Save