Прв настан на Силјановска Давкова како претседателка, еве со кого ќе се сретне

Претседателката Гордана Силјановска Давкова денеска ќе го оствари првиот официјален настан по преземањето на функцијата.

Како што информираат од Кабинетот, таа во 14:00 часот ќе ги прими ректорите на државните универзитети „Св. Кирил и Методиј“ – Скопје, „Св. Климент Охридски“ – Битола, „Гоце Делчев“ – Штип, Универзитетот во Тетово и „Мајка Тереза“ – Скопје.

Државава вчера го доби шестиот претседател и воедно прва претседателка од осамостојувањето – универзитетската професорка по уставно право и политички систем Гордана Силјановска-Давкова.

Петгодишниот мандат таа го почна со свечена заклетва и обраќање во Собранието откако ден претходно од Државната изборна комисија го доби уверението за Претседател по објавените конечни резултати од Претседателските избори 2024.

Share on Facebook

Tweet

Follow us

Save