Предлог-законот за амнестија на осудените за 27 април денеска во Собранието

Предлогот за избор на судијата Елизабета Дуковска од Апелацискиот суд Скопје за судија на Уставниот суд на Република Македонија е на дневен ред на денешната 106. собраниска седница.

Дуковска е предлог на Судскиот совет на Република  Македонија за нова уставна судијка. Таа е судијка од 2004 година, работела во двата основни суда во Скопје како стечаен судија, а од 2009 суди во скопска Апелација како граѓански судија во трговски оддел.

На дневен ред на денешната седница се и Предлог законот за амнестија на лицата осудени за настаните од 27 април 2017 година, како и Предлог законот за амнестија, двата по скратена постапка.

Пред пратениците се и Предлог законот за изменување и дополнување на Законот за здравственото осигурување, како и Предлог законот за дополнување на Законот за лековите и медицинските средства, и двата по скратена постапка.

Предлог-законот за амнестија на осудените за 27 април беше поднесен како резултат на иницијативата на адвокатите Јанаки Митровски и Драган Пешевски кои остварија средби со повеќе политички партии и сметаат дека потребното мнозинство за донесување на законот е веќе обезбедено.

Share on Facebook

Tweet

Follow us

Save