Премиерот се сретна со шефот на Интерпол: Разговарале за борбата против организираниот криминал

Денеска остварив средба со генералниот секретар на Интерпол, Валдеси Уркиза, информираше на социјалните мрежи премиерот Христијан Мицкоски.

Разговаравме за унапредување на соработката со Интерпол, за зајакнување на борбата против организираниот криминал, сајбер-криминалот, трговијата со луѓе и сите облици на прекуграничен криминал, како и за понатамошно јакнење на капацитетите на нашите институции.

Македонија останува посветен и доверлив партнер во меѓународните безбедносни напори. Само преку силна координација, размена на информации и заедничко дејствување можеме поефикасно да ги заштитиме граѓаните, да го зачуваме владеењето на правото и да придонесеме кон поголема регионална и глобална безбедност, напиша премиерот на ФБ.

Share on Facebook

Tweet

Follow us

Save