“Приказни за подобри времиња”: Украинската прва дама претстави книга за децата бегалци од војната

Првата дама на Украина Олена Зеленска на меѓународниот саем на книгата во Франкфурт пред публиката во Германија претстави книга, всушност аудио книга „Приказни за подобри времиња“.

Според пишувањата на странските медиуми, Зеленска за време на посетата на Германија во претходните денови остварила неколку политички средби, а промоцијата на најголемиот саем е само една од активностите и највпечатлива точка од нејзината посета.

Имено, таа заедно со сопругата на германскиот претседател Елке Буденбендер во Германија започнала проект наменет за собирање средства за „Приказна за подобри времиња“ за децата бегалци од Украина.

Таа објасни дека војната во Украина предизвикала голем прилив на деца бегалци, семејствата се растргнати, а аудио книгата е начин за поддршка на тие деца и ранливи семејства. Сетот содржи пет интерактивни книги со приказни за деца на теми како удобност, љубов и оптимизам. Тие се двојазични книги со аудио книги.

Што е најважно, членовите на семејството можат да снимаат приказни преку безбедна веб-апликација, така што децата ќе можат да го слушнат гласот на својот татко, мајка или баба и дедо додека читаат.

Share on Facebook

Tweet

Follow us

Save