Пристигнува помош од Словенија, Турција, Србија и Црна Гора за справување со пожарите

Пристигнува помош од Словенија, Турција, Србија и Црна Гора за справување со пожарите во Македонија, соопшти министерот за надворешни работи, Тимчо Муцунски.

– Деновиве, сите сме сведоци на екстремно високи температури, кои за жал предизвикаа пожари на неколку локации во државата.

Свесни за ризикот по животите на нашите сограѓани, нивните имоти, како и природата во овие области, итно стапивме во контакт со повеќе држави, од кои побаравме поддршка за справување со овој предизвик.

Наскоро пристигнува помош од Словенија, Турција, Србија и Црна Гора. Упатувам огромна благодарност до колегите министри за надворешни работи на пријателските земји кои се одѕваа безрезервно на нашите повици за помош.

Правиме сè што е во наша моќ за што поскоро решавање на овој проблем. – објави Муцунски.

Share on Facebook

Tweet

Follow us

Save