При напад на руски дрон врз Киев, три лица загинаа меѓу кои и едно петгодишно дете

Во напад со беспилотно летало на руските сили врз Киев во текот на ноќта загинаа три лица, меѓу кои и едно петгодишно дете, а десет беа повредени, објави градската воена управа на Киев во објава на Телеграм.

Во соопштението се наведува дека тревогата за воздушен напад во Киев синоќа траела пет часа.

„Според достапните информации, три лица загинаа, меѓу кои и едно петгодишно дете. Уште десет се повредени. Меѓу загинатите има татко и неговата мала ќерка, а најмладата ранета жртва на рускиот напад има само 11 месеци“, се вели во соопштението на воената управа на Киев.

Напади со беспилотни летала во текот на ноќта во областите Подилски, Днепропетровск и Холосивски се предизвикани пожари кои биле изгаснати, додека во населбата Шевченковски остатоци од соборениот дрон паднале на станбена зона и оштетиле шест автомобили.

Како што објави оперативно стратешката група „Кортиција“ во објава на Телеграм, украинските одбранбени сили одбиле руски напад од оклопна колона во насока Новопавловск, пренесе Укринформ, јавува Танјуг.

Share on Facebook

Tweet

Follow us

Save