Проблеми за Вучиќ: Претседателските и парламентарни избори во Србија ќе се повторат на вкупно 89 избирачки места

РИК: Парламентарните избори се повторуваат на 54, а претседателските на 35 избирачки места во Србија.

Републичката изборна комисија на Србија (РИК) на седниците одржани на 6 и 8 април донесе Одлуки парламентарните избори повторно да се одржат на 54, а претседателските избори на 35 избирачки места.

Повторените избори ќе се одржат на 16 април, а гласањето ќе биде вообичаено од 7 до 20 часот.

Изборите се повторуваат на избирачките места каде што беа поништени бидејќи општинските изборни комисии потврдија дека бројот на гласачки ливчиња во кутиите е поголем од бројот на лица кои излегле на гласање.

Share on Facebook

Tweet

Follow us

Save