Продолжува замрзнувањето на маржата на основните прехранбени продукти

Премиерот Димитар Ковачевски на Фејсбук објави дека ограничувањето на маржата на основните прехранбени производи се продолжува до 30 јуни 2023.

-Со оваа Одлука, највисоката трговска маржа за бел леб (сечен на парчиња или цел), шеќер бел и сончогледово масло за јадење (без ладно цедено масло) се утврдува во висина до 5% во трговијата на големо и до 5% во трговијата на мало.

Највисоката трговска маржа за брашно од пченица – тип 400 и тип 500, макарони и шпагети од тврда пченица, македонски ориз бел, трајно кравјо млеко со масленост од 2,8%, 3,2% и 3,5%, јајца од кокошка, урда, кравјо бело сирење и мешано бело сирење, кашкавал, кисело млеко и павлака и јогурт се утврдува во висина до 10% во трговијата на големо и до 10% во трговијата на мало.

Продолжуваме во континуитет да ја следиме состојбата и во консултација со сите засегнати страни ќе делуваме за ублажување на растот на цените предизвикан од најголемата светска енергетска криза. – информира Ковачевски.

Share on Facebook

Tweet

Follow us

Save