Проектот за изградбата на Коридорите 8 и 10д го носи печатот на ДУИ

Демократската унија за интеграција изразува задоволство што изградбата на Коридорите 8 и 10д продолжува, и покрај тоа што, како што велат, „истиот се реализира од влада без етнички легитимитет“.

„Демократската унија за интеграција (ДУИ) изразува задоволство што изградбата на Коридорите 8 и 10д продолжува, и покрај тоа што истиот се реализира од влада без етнички легитимитет. Ова само го потврдува нашиот стабилен визионерски пристап и долгорочните политики за напредок на земјата и за изградба на модерна патна инфраструктура. Не можеме да не истакнеме дека тие што до вчера жестоко се спротивставуваа на овој проект и се закануваа со негово поништување, денес го нарекуваат историски проект. Оваа промена во ставовите ја потврдува вредноста што Коридорот 8 ја претставува за развојот на Северна Македонија и за подобрување на нејзините врски со регионот и Европа“ рече денеска на прес-конференција поранешниот директор на Државни патишта, Ејуп Рустеми.

Тој потенцираше дека „Политиките на ДУИ секогаш биле во интерес на граѓаните, и секојдневните резултати ги убедуваат тие дека обвинувањата и нападите насочени кон нас не беа ништо друго освен обид за освојување на власта без вистинска поддршка. Наспроти критиките, бараме овој важен проект успешно да се реализира“.

„ДУИ бара предвидените средства за овој проект да се искористат според планирањето, без непотребни пречки или одложувања. Овој проект го носи печатот на ДУИ, го носи печатот на нашата посветеност за заедничкото добро и за подобра иднина на Северна Македонија“ порача Рустеми.

Share on Facebook

Tweet

Follow us

Save