Прослава за роденденот на британскиот крал Чарлс Трети

Во Лондон денеска се одржува роденденска парада за Чарлс Трети и тоа е прва парада за новиот британски крал кој ја враќа традицијата со тоа што ќе помине покрај војници на коњи и во свечена униформа.

Кралицата Елизабета Втора (Елизабета), која почина во септември на 96-годишна возраст, од 1986 година не се појави на коњ за време на симболичниот настан.

Чарлс Трети ќе наполни 75 години на 14 ноември, но роденденот на британскиот суверен се слави двапати, приватно на неговиот роденден и јавно во јуни.

Традицијата на парадата „Trooping the color“ (Поздрав за боите) датира од времето на владеењето на Џорџ Втори во 1748 година, кој иако е роден на 30 октомври, сакал да го искористи убавото време за да го прослави својот роденден.

На парадата годинава учествуваат околу 1.400 војници, 400 музичари и 200 коњи.